ШЫНДЫҚ | Исекешев Талдыкөл туралы: күкіртсутектің иісі жойылды

    озеро Талдыколь
    Фото: factcheck.kz

    Жуырда Астана қаласының әкімі Әсет Исекешев Талдыкөлден шығатын күкіртсутек иісі жойылғаны туралы есеп берді. Бұл иіс астаналық әкімдердің біразының бас қатырған мәселесі еді.

    Талдыкөлге қатысты екінші станция толық пайдалануға берілді. Күкіртсутектің иісі жойылды. Абаттандыру, көгалдандыру және топырақтың құнарлылығын қалпына келтіру жұмыстары қыркүйек айының соңына дейін аяқталады,

    — деп мәлімдеді Исекешев.

    Үкім: Шындық

    Біз Талдыкөлге жақын маңда тұратын Астана тұрғындарынан «Соңғы уақытта жағымсыз иісті сезіп жүрсіздер ме?» деп сұраған едік. Көлге жақын тұратын тұрғындар соңғы уақытта жағымсыз иістің шын мәнінде жоғалғанын айтты, дегенмен, маса-шіркей сынды жәндіктердің тым қатты көбейіп кеткеніне шағымданды.

    Жергілікті тұрғын. Фото Григорий Белыйдікі

    Қазір бұрынғыдай иіс жоқ. Алдыңғы жылдары КамАЗ көліктерімен таситын кезде иіс болатын, өйткені олар қазып, сыртқа шығаратын еді. Қазір ондай жоқ. Тек жәндіктер көбейіп кетті. Жаз бойы жәндіктерден зәбір көреміз, серуендеу, стадионға бару мүмкін емес. Балаларды түгел талап тастаған.

    Жұмагүл апа, жергілікті тұрғын. Фото Григорий Белыйдікі

    Иіс жоқ, көктемде де болған жоқ.

    Ирма, жергілікті тұрғын. Фото Григорий Белыйдікі

    Ешқандай иісті сезбейтін сияқтымын. Далаға сирек шығамын, онда да бұл жақта жүрмеймін. Осында көшіп келген кезде де иісті сезбейтінмін, бірақ сол кездің өзінде кейде иіс бар деп жататын. Қазір иіс жоқ.

    Төлеген, жергілікті тұрғын. Фото Григорий Белыйдікі

    Меніңше, ешқандай иіс жоқ сияқты.

    Темірбек, жергілікті тұрғын. Фото Григорий Белыйдікі

    Біз жақында ғана көшіп келдік, әлі ештеңе сезіп үлгермедік. Бұрын иіс болған деседі, соңғы уақытта сезілмейді деп жүр.

    Айгерім, жергілікті тұрғын. Фото Григорий Белыйдікі

    Қар еріген кезде иіс шығатын шығар деп уайымдаған едік, бірақ иіс мүлдем жоқ. Осы жерден пәтер сатып алғанымызға бір жыл болды. Сатып алмас бұрын бірнеше рет келдік, иіске бола уайымдаған едік, бірақ иіс болған жоқ. «Мега» жақтан иіс сеземін, бұл жерде мүлдем жоқ. Анау жақта бірдеңені тазалап жатыр. Қатты иіс болатын шығар деп қорқып едім, ондай болмады.

    Біз сөйлескен басқа жергілікті тұрғындар да бұрынғыдай жағымсыз иістің жоқ екенін айтты. Тек барлығы дерлік көлге жақын маңда маса-шіркей өте көп екенін алға тартты.


    factcheck.kz мақалаларында аты-жөні аталған тұлғалар немесе оқырман біздің үкіммен немесе дәлелдемелерімізбен келіспейтін болса, тиісті материалдарды ұсынған жағдайда редакция үкімді қайта қарастырып, құжаттарды жариялауы мүмкін.

    Бұл басылым Сорос-Қазақстан Қорының қаржылай қолдауымен дайындалды (жарияланды, жарық көрді). Бұл жарияланымның мазмұны автор(лар)дың пікірі мен көзқарасын білдіреді, оның Сорос-Қазақстан Қорының көзқарасымен сай келуі міндетті емес.