ВЦИОМ орталығының директоры Валерий Федоров “әрбір екінші ресейлік жалған ақпаратты сенімдіден ажырата алмайтынын” хабарлады. Федоровтың «Армия-2019» форумындағы мәлімдемесі РИА Новостида жарияланды.
Форум барысында Федоров фейк жаңалықтар мәселесінің ушығып бара жатқанын, тұрғындардың 42 %-ы сенімді ақпарат пен сенімсіз ақпаратты ажырата алмайтынын айтты. “Демек, бұл күрделі мәселе”.
Социологтың айтуынша, ресейліктердің айтарлықтай бөлігі шын ақпарат пен фейктың айырмашылығын білмейді. Сондай-ақ, кей жағдайда оларға фейк жаңалық сенімдірек көрінеді екен.
Бірер күн бұрын ақпарат және қоғамдық даму министрі Дәурен Абаев фейк жаңалықтар мәселесіне пікір білдірді. Министр әрбір адамды “ақпараттық гигиена” сақтауға шақырды.
