EmbodyMe жапондық стартап виртуалды костюм кигізетін “Xpression camera” дипфейк-қосымшасын жасап шығарды. Бұл туралы Nikkei Asia сайтында хабарланды.
Хpression камерасы адамның сыртқы келбетін жасанды интеллектпен ауыстырады. Бұл қолданушының бет-әлпетіне және дене қимылына сәйкес нақты уақыт режимінде сөйлесуге мүмкіндік береді.
Қосымшаны Zoom, Teams, YouTube және т.б. сервистерге қосуға болады. Камера баптауына кез-келген суретті, мәселен, костюмдегі фотоны жүктеу жеткілікті. Адамның киімі мен бет-әлпетін дип-фейк қосымша автоматты түрде өзгертіп, трансляция жүргізіп, видео түсіруге мүмкіндік береді.
Контекст
- Дипфейк тек адам сөзін я қимылын емес, мимикасы мен эмоциясын да айнытпай қайталайды.
- Бұған дейін TikTok қосымшасына иелік ететін ByteDance компаниясы бетіңізді басқа біреудің видеосына қоюға мүмкіндік беретін технологияны жасады.
