Сәуір айында Қазақстанның тұңғыш президенті Нұрсұлтан Назарбаевты қорлады деген айыппен қамауға алынған Қарағанды азаматы Арман Хасенов үш жылға бас бостандығынан айырылды. Хасенов сот залында босатылды. Бұл жайлы Vlast хабарлайды.
Арман Хасенов 12 сәуірде YouTube желісінде видео жариялады. Видеода Хасенов Назарбаевқа қатысты сын пікір білдірген. Келесі күні оны Ұлттық қауіпсіздік комитетінің жергілікті бөлімінің қызметкерлері тұтқындады.
«Сот кабинеті» сайтында жарияланған ақпаратқа сәйкес Хасенов Арман Қайратұлы Қазақстан Республикасы Қылмыстық кодексінің 373-бабының 2-бөлігіне сәйкес кінәлі деп танылды. Оған 3 (үш) жылға пробациялық бақылау орнату мен 3 (үш) жылға бас бостандығын шектеу түріндегі жаза тағайындалды.
Сонымен қатар, Қазақстан Республикасы Қылмыстық кодексінің 44-бабы 1-бөлігіне сәйкес жергілікті атқарушы органдар айқындаған жазаны өтеу мерзіміне жыл сайын 100 сағат көлемінде мәжбүрлі жұмысқа тартылады.
