Жалған | Al Jazeera: Коронавирустың кесірінен Қазақстанда қытай мейрамханаларын өртеді

Al Jazeera телеарнасында жарияланған коронавирус туралы сюжетте, Қазақстандағы соңғы оқиға аталмыш вирус және оны жұқтырғандармен тікелей байланысты делінген.

Сөзбе-сөз аударма: Қазақстанда коронавирус үрейі әсерінен этникалық хуэйлер* мен жергілікті қазақтар арасында төбелес болды. Хабарламаға сенсек, қытай мейрамханалары мен мекемелерін өртеп жіберген.

*Ескерту: хуэй — дүнгендердің қытайша атауы.

Үкім: Жалған

Қазақстандағы бұл жағдайдың коронавируспен еш байланысы жоқ.

Al Jazeera арнасы көрсеткен видео расымен де Жамбыл облысы, Масанчи ауылында болған оқиғаларға тиесілі. Жанжалға жергілікті дүнгендер мен қазақтар қатысқан. Ресми мәлімет бойынша оқиғаға тұрмыстық жағдай себеп болған және коронавирустың еш қатысы жоқ.

Ал Қазақстандағы Қытай мейрамханалары мен мекемелеріне келер болсақ, оларға ешкім тиіспеді. Масанчи ауылындағы халықтың басым көпшілігі – дүнгендер: олар қытай диалектісінде сөйлейді және дара этнос өкілдері. Сол себептен де Масанчидағы оқиғаны қытайлықтармен байланыстыру шындыққа сәйкес келмейді.

Обьективтілікті сақтау үшін Factcheck.kz редакциясы жарнамадан бас тартып, мемлекеттен, ірі компаниялар мен саяси топтардан алшақ болу принципін ұстанып, тәуелсіздігін сақтап келеді. Қазір Factcheck.kz сіздердің қолдауларыңызға мұқтаж. Оқырмандарымыздың біздің шотқа аударған қаржысы – фактчекер-журналистер, аудармашылар мен ұжымның басқа мүшелеріне еңбекақы, қаламақы төлеу үшін қажет. Олар ары қарай да тоқтамай еңбек етіп, шындықты, жалған мен манипуляциядан ажырата бермек. Біз сенімді дереккөзден тексерілген тәуелсіз ақпарат алуға әркімнің құқы бар екеніне сенеміз.


Өтінеміз, кез келген сомманы таңдаңыз…



немесе өзіңіздің біздің есепке аударғыңыз келген соманы жазыңыз

Виктория Ли
Журналист, фактчекер, фотограф.