Twitter негізін қалаушы Джек Дорси жазған желідегі алғашқы хабарлама NFT токені ретінде онлайн-аукционда шамамен 2,9 миллион долларға сатылды. Бұл туралы Twitter желісінің аукцион парақшасында хабарланды.
Джек Дорси былтыр желтоқсанда әлеуметтік желідегі 2006 жылы жарияланған «жай ғана Twitter-ді жөндеп жатырмын» деген жазбаны сатуға бел буған. Алайда ақпанға дейін көпшіліктің назарын аудармай келді. Бірақ Дорси 5 наурызда Twitter-де твит сатылатын Valuables онлайн-аукционына сілтеме жариялағаннан кейін бағасы тез өсті.
Алғашқы постты sinaEstvani атты желі қолданушысы сатып алды. Оның парақшасында Малайзиядан екені және блокчейн саласында жұмыс істейтін компанияны басқаратыны жазылған.