2 қыркүйекте ҚР Парламент Мәжілісінің пленарлық отырысында депутат Аманжан Жамалов ҚР Премьер-Министрі А.Маминге депутаттық сауал жолдады. Ол инфляцияға және азық-түліктің өсуіне байланысты мәлімдеме жасады. Factcheck.kz депутаттың айтқан деректерін тексерді.
Шілдеде жылдық инфляция 7,1% құрады.
Аманжан Жамалов
Үкім: Үкім жоқ
Статистика комитетінің мәліметінше, 2020 жылдың қаңтар және шілде айлары арасында Қазақстанда инфляция 4,4% құрады. Ал ҚР Ұлттық банктің мәліметінше, 7,1%-ды құрады. Екі өкілетті органның деректері қабыспағандықтан, бұл мәлімдемені үкімсіз қалдыруды жөн көрдік.
Азық-түлік тауарларының бағасы 11,4% өсті. Бәрінен бұрын жарма (40,4%), жемістер (23,1%), жұмыртқа (19,8%), май (17,2%), макарон өнімдері (15,7%), сондай-ақ еттің (12,9%) бағасы өсті.
Аманжан Жамалов
Үкім: Жартылай шындық
Статистика комитетінің мәліметінше, азық-түліктің бағасы биылғы жылдың алғашқы жеті айында 11,4% емес, 7,6%-ға қымбаттаған.
Ағымдағы жылдың алғашқы жеті айында жемістердің бағасы – 21,3%, жармаларға – 20%, қой етіне – 11,8%, макарон өнімдеріне – 10,1%, сары майға – 9,4%, жылқы етіне – 8,6%, сиыр етіне – 7,6% қосылған. Ал жұмыртқаның бағасы 5,9% төмендеген.
Қорытынды
Депутат өзінің мәлімдемесінде, жұмыртқаның бағасына байланысты айтылған дерегінде қателесті. Ол 19,8%-ға көбейгенін айтса, ресми органның мәліметінше, 5,9% төмендеген. Депутаттың инфляцияға байланысты айтқан дерегі Статистика комитетінің маусым (4,4%) және тамыз (4,6%) айындағы мәліметпен сәйкес келмейді. Бірақ депутаттың сөзі Ұлттық банктің дерегімен бірдей.
Контекст
Статистика комитетінің тамыздағы дерегі бойынша, әуе қызметі — 6,2%, дизель 3,2%-ға, сонымен бірге тұрғын үй-коммуналдық қызметінің тарифтері де арзандады.
- Ыстық су — 5,5%,
- Орталықтан жылытуға — 3,4%,
- Канализация — 3,1%,
- Суық су — 2,2%
Қандай тауарлар мен қызметтердің бағасы өсіп жатыр?
- Дәрі-дәрмек — 7,5%
- Кір жуғыш құралдарға — 7,1%
- Тұрмыстық заттар — 5%
- Құрылыс материалдарына — 4,9%
- Автомобиль — 4,7%
- Ноутбук — 3,3%
- Кеңсе тауарлары — 3,2%
- Бензин — 2,6%
- Жерлеу қызметі — 5,7%
- Денсаулық сақтау қызметі — 4,3%
- Шаштараздар мен сұлулық салондар қызметі — 3,8%
- Қоғамдық тамақтандыру қызметі — 2,5%
- Интернет желісіне қосылу үшін абоненттік төлем — 2,2%
- Қала ішіндегі такси қызметі — 6%,
- Жолаушылардың темір жол көлігі — 4,4%
- Электр энергиясы — 3,5%