Президент Қасым-Жомарт Тоқаев жолдауына фактчек материалдар топтамасын жалғастырамыз. Бұған дейін “ЖІӨ-дегі құрылыс үлесі туралы” материал жариялағанбыз, енді мемлекетке қайтарылған ауыл шаруашылығы мақсатындағы игерілмей қалған жерлер туралы деректерді тексереміз.
…Комиссия жұмысының аясында ауыл шаруашылығы мақсатындағы 2,9 миллион гектар жер мемлекетке қайтарылды
Қасым-Жомарт Тоқаев, ҚР президенті
Үкім: Шындық
ҚР Ауыл шаруашылық министрлігіне қарасты Жер ресурстарын басқару комитетінің мәліметінше, жыл басынан бері 2 млн 929 мың гектар ауыл шаруашылық жері мемлекетке қайтарылды.
АШМ-ның ақпаратына сай, Қазақстандағы ауыл шаруашылығына пайдаланылатын жерлердің жалпы ауданы 201,9 млн гектар (егістік – 26,1 млн, жайылым – 80,6 млн, басқалары – 7,3 млн, қордағы жерлер – 87,9 млн), оның ішінде, пайдалануға берілген жер көлемі 114 млн гектарды құрайды.