Freedom House құқық қорғау ұйымы «Интернет бостандығы 2021: алпауыт технологияларды бақылауға ұмтылу» атты есебін жариялады. Мұнда 2020 жылдың 1 маусымынан 2021 жылдың 31 мамырына дейін 70 елдегі интернет еркіндігінің деңгейі көрсетілген.
Зерттеу әдістемесі бойынша, әр елге 0-ден (ең нашар нәтиже) 100-ге дейін (ең жақсы нәтиже) ұпай беріледі.
Есеп авторларының зерттеуінше, әлемде интернет еркіндігі осымен 11-ші жыл қатарынан әлсіреген. Жағдай бәрінен бұрын Мьянма, Беларусь және Угандада нашарлаған.
Қытай интернет еркіндігі ең төмен елдер рейтиңінде бірінші, ал Қазақстан 33-орында. Сонымен қатар, елдегі «интернет бостандығы нашар» деп бағаланған.
