Facebook фейк таратушыларға қарсы шараларды күшейтеді. Сонымен қатар, дезинформация таратқандар туралы ақпаратты пайдаланушыларға жариялайтынын ескертті. Бұл туралы Facebook өзінің ресми парақшасында хабарлады.
Әлеуметтік желі әкімшісі бірнеше рет «фейктерді жариялады» деп айыптаған пайдаланушының ақпарат таратуына шектеу қояды. Яғни, пайдаланушы фактчек маманы жоққа шығарған материалды таратуды жалғастырса, оның материалы жаңалықтар арасында сирек кездесетін болады.
Бұған қоса, Facebook күдікті деп таныған парақшаға арнайы ескертулерді қолданатынын жазды. Егерде «фейк таратушының» материалы жаңалықтар арасынан шықса «бұл парақшада фейктер жарияланған» деп әрбір оқырманға ескерту келіп түседі. Компания өкілдерінің хабарлауынша, бұл жүйе адамдардың парақшаға тіркелу — не тіркелмеу туралы шешім қабылдауға көмектеседі.
Контекст
- Facebook аустралиялық депутаттың парақшасын коронафейк жариялағаны үшін өшірді.
- Facebook 1,3 миллиард фейк аккаунтты өшірді.
- Instagram мен Facebook фейк жазбалар мен аккаунттарды өшірді.
- Facebook, Google және Twitter басшылары фейкпен күрес туралы АҚШ Конгресіне есеп береді.