24 қаңтарда Үкіметтің кеңейтілген отырысында ҚР Президенті Қ.Тоқаев экономикаға берілген несие, оның ішінде заңды және жеке тұлғаға берілетін несие санына қатысты бірнеше факт келтірді. Factcheck.kz сайты осыған байланысты ақпараттың рас-өтірігін тексеріп көрді.
Мәлімдеме:
Бізде жеке тұлғаларға берілетін несие саны 1,4 трлн-ге өсіп, 6,7 трлн-ге жетті. Ал, керісінше заңды тұлғаларға берілетін несие 590 млрд-ға кеміді (орысшадан аударылды)
Қасым-Жомарт Тоқаев, ҚР Президенті
Үкім: Жартылай Шындық
ҚР Ұлттық Банкінің мәліметінше, 2019 жылдың желтоқсан айында экономикаға берілген несие саны – 13 трлн 863 млрд 847 млн теңгеге жетті. Оның ішінде жеке тұлғаларға берілетін несие саны – 6 трлн 661 млрд 328 млн теңге. Былтырғымен салыстырғанда 1,358 трлн теңгеге артқан. Ал, заңды тұлғаларға берілетін несие саны былтырғымен салыстырғанда 586,6 млрд-ға кеміп, 7 трлн 202 млрд 519 млн-ға түсті.
Экономикаға берілген несиенің 11,559 трлн теңгесі ұлттық валютада берілсе, 2,304 трлн шетел валютасында берілді.