АҚШ президенті Джо Байден TikTok және WeChat қосымшасына тыйым салу туралы жарлықтың күшін жойды. Бұл туралы The Verge сайты хабарлады.
Джо Байден Сауда министріне қосымшаны мұқият зерттеуге тапсырма беріп, АҚШ-тың ұлттық қауіпсіздігі үшін шетелдік қаскүнемдердің шабуылынан сақ болуды ескертті.
Бұл бұйрықтан кейін экс-президент Дональд Трамптың TikTok пен WeChat қосымшасына шектеу енгізу туралы жарлығы күшін жояды.
Контекст
- Сауда министрлігі АҚШ азаматтарының құпия деректерін шетелдік шабуылдаушылардан қорғау туралы ұсыныс жасайды. Министрліктің қорытындысы атқарушы билік өкілдері мен заң шығарушыларға жіберіледі.
