Қоғамдық орындарға баруға арналған Ashyq бағдарламасын Kaspi.kz қосымшасы арқылы пайдалануға болады. Бұл туралы Kaspi Bank-тің ресми инстаграм парақшасы хабарлады.
Жаңа қызметті пайдалану үшін Ashyq жобасына тіркелген қоғамдық орынның QR-кодын сканерлеу жеткілікті. Сканерлеген соң смартфонда қоғамдық орынға кіруге рұқсат беретін немесе шектейтін ақпарат көрсетіледі.
- Қауіпсіз – ешқандай шектеу жоқ. Теріс нәтижелі ПТР тест;
- Бейтарап – ПТР тест міндетті болатын жерлерден басқа шектеу жоқ;
- Байланыста болған – объектілерге баруға ішінара шектеу қойылған;
- Инфекция жұқтырған – қоғамдық орындарға баруға рұқсат етілмейді. Оң нәтижелі ПТР тест.
Сонымен қатар, қолданушылар QR-кодты сканерлемей кез келген уақытта статусын тексере алады. Ол үшін «Мемлекеттік қызметтер – Ashyq. Коронавирус статусы» бөлімін басу қажет.
